Mazkur maqolada O‘zbekiston hududiy folklor qo‘shiqlarining musiqiy-uslubiy xususiyatlari, ularning ijrochilik an'analari hamda amaliy ijro ko‘nikmalarini shakllantirishning nazariy va metodik asoslari tahlil qilinadi. Tadqiqotda Farg‘ona-Toshkent, Surxondaryo-Qashqadaryo, Buxoro-Samarqand hamda Xorazm musiqiy uslublarining o‘ziga xos jihatlari qiyosiy yondashuv asosida yoritilgan. Shuningdek, folklor qo‘shiqlarini ijro etishda ovoz apparatini to‘g‘ri shakllantirish, nafas, intonatsiya, ritm va badiiy ifodaning ahamiyati ochib berilgan. Tadqiqot natijalari bo‘lajak musiqa pedagoglari va ijrochilarining kasbiy kompetensiyalarini rivojlantirish hamda milliy musiqiy merosni asrab-avaylashga xizmat qiladi.