Os datos espaciais representan localizacións xeográficas cuxa análise permite detectar posibles patróns e estruturas no espazo. Neste Traballo de Fin de Grao preséntase unha introdución á estimación non paramétrica da densidade bidimensional, centrada no uso do estimador tipo núcleo, co fin de obter representacións suaves da distribución espacial dos datos. Os diferentes métodos ilustraranse mediante a implementación de códigos en R, aplicados a datos reais de casos e controis de leucemia rexistrados no noroeste de Inglaterra. O obxectivo principal é identificar posibles agrupacións espaciais significativas que poidan contribuír á comprensión dos patróns epidemiolóxicos observados.