O número de formacións musicais das que temos ata o momento constancia de actuacións entre xaneiro do 2010 e o primeiro cuadrimestre do 2013 ascende a 624; este número probablemente aumentará debido a que este traballo ten unha actividade continua de recollida de datos. Do número total de formacións contabilizadas ata o momento temos datos sobre 344 con respecto dos xeitos de contratación que seguen: ben traballan con algún axente en exclusiva, ben son independentes ou resultou imposible saber o xeito de contratación a pesar de telo procurado. O obxectivo do presente traballo é facer un inventario das orquestras galega de verbena que operan na comunidade autónoma para, en futuros traballos, ver as súas estratexias de comunicación, como poden ser a gravación e distribución de discos.