Neste artigo abórdase a contribución de Manuel Murguía ao coñecemento e estudo da literatura popular galega, nomeadamente da poesía popular. Con este obxectivo, levarase a cabo un percorrido polos seus escritos (libros, artigos, discursos…) que dela se ocuparon, así como polas relacións establecidas con outras persoas do seu tempo (galegas e non galegas) dedicadas á investigación da literatura popular en Galicia. Tamén se dedican algunhas liñas á recepción posterior e conclúese indicando a necesidade do estudo conxunto da obra do “derradeiro precursor”.