1910 – 1945-yillar Koreya tarixiga Yaponiya mustamlakasi davri sifatida belgilanadi. Bu davrda yarimorol ayollari hayotida sodir bo‘lgan ijobiy o‘zgarishlardan biri – ularning davlat ta’limiga jalb qilingani hisoblanadi. Ta’lim olish imkoniyatlari garchi to‘liq yapon tilida taqdim etilgan bo‘lsa ham, bu koreys xotin-qizlarining jahonga chiqishi, dunyoni tanishi va o‘zligini anglashi uchun muhim eshiklarni ochgan. Biroq bu juda jiddiy oqibatlarga olib kelgan bo‘lib, natijada bu davr koreys ayollari uchun eng qora sahifalar deb belgilanadi. Ikkinchi jahon urushi oldidan va urush davomida “maxsus xizmat” (harbiy bo’linmalarga jinsiy qullik xizmatlarini ko‘rsatish) uchun majburan yapon ta’limini olgan yosh koreys qizlaridan yig‘ilgan “ayollar batalyoni” masalasidir.