Ushbu maqolada bo’lajak pedagoglarda kasbiy sifatlarni shakllantirish ta’lim sifatini oshirishga xizmat qilishi, bo’lajak pedagoglarni kasb-hunarga yo’naltirish masalalarining dolzarblashuvi ularning erkin, ongli kasb-hunar tanlashlari uchun ijtimoiy-iqtisodiy, pedagogik-psixologik shart-sharoitlar yaratish zarurati xususida fikr yuritilgan. Kasbiy shakllanish jarayonida sub’yekt o’zini o’z kasbi vakili, u yoki bu kasbiy sifat sohibi, yoki muayyan bir taraqqiyot bosqichidagi mutaxassis sifatida identifikatsiyalashi ilmiy jihatdan asoslangan. Kasbiy identifikatsiya o’zida kasblar dunyosiga yo’nalganlik va o’zaro ta’sirni ta’minlovchi, kasbiy faoliyatda shaxsning potensialini to’liq amalga oshiruvchi, tanlangan kasbning natijasini hamda taraqqiyot yo’nalishini oldindan ko’ra biluvchi shaxsning kognitiv, motivatsion va axloqiy tavsifnomalarini mujassamlashtirgan integrativ tushuncha ekanligi isbotlangan. Bo’lajak pedagoglarda kasbiy sifatlarni shakllantirish yuzasidan xulosa va tavsiyalar ishlab chiqilgan. Maqola bo’lajak pedagoglar uchun mo’ljallangan.