Maqollar xalq o’g’zaki ijodining eng qadimiy janri hisoblanib, ularda xalqning o'tmishi, madaniy merosi va qadriyatlari aks etadi. Ayni paytda maqollar ustida tilshunoslikda chuqur izlanishlar olib borilyapti va bunday izlanishlar natijasida olimlar tomonidan tilshunoslikning yangi qirralari ochib berilmoqda. Bizning ushbu maqolamiz ham ana shunday izlanishlardan biri bo'lib, unda biz o’zbek va ingliz maqollarini qiyosiy o’rganish orqali har ikkala xalqning madaniy va milliy odatlarini tilga qay daraja aks etganini ifodalabgina qolmay, balki xalqlarning milliy mentalitetidagi o’zaro o’xshash va farqli tomonlarini ochib berishga qaratilgan. Mazkur masalani o’rganish uchun biz ingliz va o’zbek xalq maqollaridagi ,aynan, "ovqat" semasi bilan bog'liq maqollarni lingvokulturologik jihatdan tahlil qildik.