Bugungi kunda ta’limning xilma-xil turlaridan foydalaniladi. Ana shunday ta’lim turlaridan biri interfaol ta’limdir. Interfaol va interaktiv so‘zlari bir xil ma’noda bo‘lib, interaktiv so‘zi inglizcha “inter” interaktiv,–“birgalikdagi” va “act” –“harakatlanish” so‘zlaridan olingan. Interaktivlik birgalikda harakatlanish yoki suhbat, dialog rejimida nimadir (masalan, kompyuter) yoki kimdir (o‘qituvchi) bilan bo‘lish demakdir. Bundan kelib chiqadiki, interaktiv ta’lim – avvalo, dialogli ta’lim bo‘lib uning davomida o‘qituvchi va o‘quvchi, o‘quvchi va kompyuter o‘zaro hamkorligi amalga oshiriladi. Maqolada ana shunday hamkorlik asosida rashkil etiladiga “idrok xaritasi”ning o’ziga xos jihatlari tahlil qilinadi.