Ushbu maqolada oddiy bodom – Prunus amygdalus Batsch ni yetishtirish agrotexnologiyasi bo ‘yicha adabiyotlar tahlili keltirilgan. Hozirgi kunda dunyoning ko‘pgina mamlakatlarida bodom bog’laridan 1ga maydondan 1500-2500 kg hosil olinmoqda. O‘zbekistonda serhosil va sovuqqa chidamli bodom bog’larini kengaytirish, yangi bog’lar yaratish zarur. Bodomning zich ekilgan plantatsiyalarida qatorlar sharqdan g’arbga tomon joylashuvi yahshi natija beradi. Bodom daraxti vegetatsiya davomida aprel oyidan iyul oyiga qadar bo’lgan davrda biomassa uchun mineral moddalarini o’zlashtirgani uchun oziqlantirish tadbirlarini aynan shu davrda intensiv olib borish kerak. Bodomzorlarni parvarishlashda, meva to’lishish davrida sug’orish rejimini 35% ga kamaytirish hosilning sifatiga va miqdoriga tasir qilmaydi. Suvni tejash yo’li orqali bodom mevalarining yuqori sifatini saqlab qolish hamda hosilning sifatini yaxshilash mumkin. Bugungi kundagi global isish va suv resurslarining kamyishi kabi dolzarb muommolar mavjud davrda qurg’oqchilikka chidamli, rentabilligi yuqori bo’lgan bodom kabi o’simliklarni ekish yo’li bilan ushbu muommlarni yengib o’tish mumkin.