Ҳозирги кунда сил касаллиги бутун дунёда, шу жумладан, Ўзбекистонда ҳам тиббиёт соҳасидаги долзарб муаммолардан бири бўлиб, касалликнинг катталар орасида тарқалиб бориши билан бир қаторда, болалар ўртасида ҳам тарқалиши катта хавф уйғотмоқда. Республикамизда сўнги 20 йил ичида болаларнинг сил билан касалланиши 2,4 марта, сил билан зарарланиши 2 марта ва сил билан бирламчи зарарланиши 1,5 марта ошди.[1] Жумладан ҳомиладорлик даврида силни эрта аниқлаш, касаллик оқибатига таъсир килади. Кох таёқчалари онадан ҳомилага киндик венаси орқали ўтади. Бундан ташқари бола туғилаётган пайтида туғруқ йўлларида сил микобактериялари билан зарарланган қоғонок сувини ютиши мумкин. .[2-3] Ҳомиладор ва туғувчи аёлларда силдан касалланиш умумий силдан касалланган аёлларга нисбатан 1,5-2 баравар кўп учрайди.[4]