Mazkur maqola o‘zbek tili milliy korpusida frazeologik birliklarni teglash va ularni avtomatik lingvistik annotatsiya qilishning nazariy-metodik asoslarini ishlab chiqishga bag‘ishlanadi. Frazeologik birliklarning semantik jihatdan yaxlitligi, shuningdek, tarkibining o‘zgaruvchanligi sabab NLP tizimlarida oddiy so‘z birikmalaridan ularni ajratish biroz murakkab. Tadqiqotda tizimli lisoniy tahlil, korpus metodlari va zamonaviy neyron tarmoq modellari imkoniyatlarini qiyoslash metodologiyasidan foydalanish orqali frazeologizmlarning elektron bazasini shakllantirishda xalqaro tajribalar va ularning o‘zbek tili korpusiga tatbiq etilish imkoniyatlari ko‘rib chiqiladi.