maqolada boshlang‘ich sinf o‘quvchilarining diqqat xususiyatlarini o‘rganishning pedagogik va psixologik ahamiyati tahlil qilinadi. Boshlang‘ich ta’lim bosqichi bolaning bilish jarayonlari, jumladan, diqqat, xotira, tafakkur, idrok va tasavvurining jadal rivojlanishi bilan tavsiflanadi. Ayniqsa, o‘quv faoliyatining samaradorligi bolaning o‘quv materialini qabul qilishi, unga e’tiborini yo‘naltirishi, muhim axborotni ajratib olishi va ma’lum vaqt davomida diqqatini saqlab turish qobiliyatiga bevosita bog‘liq. Maqolada diqqatning barqarorligi, ko‘lami, taqsimlanishi, ko‘chishi va jamlanishi kabi xususiyatlari boshlang‘ich sinf o‘quvchilarining ta’lim jarayonidagi faoliyatiga qanday ta’sir ko‘rsatishi yoritilgan. Shuningdek, o‘quvchilarning diqqatini diagnostika qilishning pedagogik kuzatish, suhbat, topshiriqlar, psixologik metodikalar va faoliyat natijalarini tahlil qilish kabi usullari ko‘rib chiqilgan. Diqqatni rivojlantirishga qaratilgan didaktik o‘yinlar, muammoli topshiriqlar, interfaol metodlar va individual yondashuvning imkoniyatlari asoslab berilgan.