Ushbu ilmiy maqolada XIX asrning birinchi yarmida Markaziy Osiyodagi yirik davlatlardan biri bo‘lmish Qo‘qon xonligi hamda Sharqiy Osiyoda hukmronlik qilgan Sin (Xitoy) imperiyasi o‘rtasidagi diplomatik, harbiy-siyosiy va savdo-iqtisodiy munosabatlar arxiv hujjatlari hamda tarixiy manbalar asosida keng miqyosda tahlil qilinadi. Xonlikning Sharqiy Turkiston (Qashqariya) hududi orqali yuritgan tashqi siyosiy strategiyasi, mintaqadagi diniy-siyosiy qo‘zg‘olonlarga munosabati, elchilik aloqalari va o‘zaro kelishuvlar tadqiq etilgan. Shuningdek, maqolada 1832-yilda tuzilgan tarixiy Pekin shartnomasi va uning asosida joriy etilgan "Oqsoqollik" (konsullik va boj yig‘ish) institutining huquqiy va iqtisodiy asoslari ko‘rib chiqiladi.