Janus kinaza (JAK) ingibitorlari autoimmun va surunkali yallig‘lanish kasalliklarini davolashda qo‘llanilayotgan zamonaviy dori vositalari guruhlaridan biri hisoblanadi. Ushbu preparatlar hujayra ichidagi JAK–STAT signal uzatish yo‘lini selektiv ravishda bloklash orqali sitokinlar ta’sirini kamaytiradi hamda yallig‘lanish jarayonini nazorat qiladi. Mazkur maqolada JAK ingibitorlarining ta’sir mexanizmi, farmakodinamik va farmakokinetik xususiyatlari, klinik qo‘llanilishi, nojo‘ya ta’sirlari hamda zamonaviy farmakoterapiyadagi o‘rni ilmiy adabiyotlar asosida tahlil qilindi. Shuningdek, turli avlod JAK ingibitorlarining o‘ziga xos jihatlari, ularning samaradorligi va xavfsizlik profili yoritilib, kelgusidagi ilmiy izlanishlarning istiqbolli yo‘nalishlari muhokama qilindi. Tahlil natijalari JAK ingibitorlari ko‘plab autoimmun kasalliklarda samarali terapevtik vosita ekanligini, biroq ularni qo‘llashda bemorning individual xususiyatlari va ehtimoliy nojo‘ya ta’sirlarni hisobga olish zarurligini ko‘rsatadi.