Operatsiyadan keyingi ventral churralar (OKVC) qorin devori jarrohligida eng ko‘p uchraydigan asoratlardan biri hisoblanadi. Laparotomiyalardan so‘ng ularning rivojlanish chastotasi 10–20% ni tashkil etadi, xavf guruhidagi bemorlarda esa (semizlik, qandli diabet, birlamchi operatsiyaning infeksion asoratlari) 30–40% ga yetishi mumkin [1,2]. Ushbu patologiya nafaqat tibbiy, balki muhim ijtimoiy-iqtisodiy muammo bo‘lib, uzoq muddatli mehnat qobiliyatini yo‘qotishga, hayot sifatining pasayishiga va tiklovchi operatsiyalarga katta xarajat qilinishiga olib keladi [2].