Колоректал саратон онкологик касалликлар орасида кенг тарқалган ва ўлим кўрсаткичи юқори бўлган патологиялардан бири ҳисобланади. Касалликнинг дастлабки босқичларда кўп ҳолларда клиник белгиларсиз кечиши унинг кеч аниқланишига, беморларда асоратланган ва метастатик шакллар улушининг ортишига сабаб бўлади. Шу нуқтаи назардан аҳоли орасида юқори хавф гуруҳларини ажратиш, мақсадли скрининг алгоритмини ишлаб чиқиш ва профилактик колоноскопиядан самарали фойдаланиш колоректал саратонни эрта ташхислашда муҳим амалий аҳамият касб этади.