Annotatsiya: Ushbu tezis O‘zbekistonda hududlararo ijtimoiy-iqtisodiy tafovutlarni kamaytirishga qaratilgan strategiyalar va chora-tadbirlarni tanqidiy tahlil qilishga bag‘ishlangan. Tadqiqotning maqsadi mavjud muammolarni aniqlash, amalga oshirilayotgan siyosatlarning samaradorligini baholash va barqaror mintaqaviy rivojlanishni ta’minlash bo‘yicha amaliy tavsiyalar ishlab chiqishdan iborat. Tezda hududiy tengsizliklarning sabablari va oqibatlari, jumladan, ishsizlik, infratuzilma, investitsiya va daromadlardagi nomutanosibliklar ko‘rib chiqiladi. Shuningdek, davlat rivojlantirish dasturlarini shakllantirish va moliyalashtirish mexanizmlari tahlil qilinadi. Tadqiqot natijalari shuni ko‘rsatadiki, O‘zbekistonda hududiy tafovutlarni bartaraf etish bo‘yicha sezilarli sa’y-harakatlar qilingan bo‘lsa-da, resurslardan oqilona foydalanish, loyihalarni baholash va uzoq muddatli strategik rejalashtirishda kamchiliklar mavjud. Ushbu tezisda taqdim etilgan tavsiyalar mintaqaviy siyosatni takomillashtirish va ijtimoiy-iqtisodiy rivojlanishni muvozanatlashga xizmat qiladi.