Ушбу тезисда кредит соҳасида қонунчиликка риоя этилиши устидан прокурор назоратини такомиллаштиришда замонавий рақамли технологиялар, сунъий интеллект, Big Data, RegTech, SupTech, blockchain ва электрон аудит изи имкониятларидан фойдаланиш истиқболлари таҳлил қилинади. Кредит операцияларининг тезкор рақамлашуви, масофавий молиявий хизматлар ва онлайн кредитлашнинг кенгайиши анъанавий сўров-жавобга асосланган прокурор назорати моделининг чекланганлигини кўрсатмоқда. Шу боис прокурор назоратини профилактик, рақамли ва рискка йўналтирилган тизимга ўтказиш зарурати асосланади. Тезисда рақамли мониторинг платформаси, 60 кунлик эрта огоҳлантириш индикатори, AI-based risk indicators, банк сири ва шахсий маълумотларни муҳофаза қилиш кафолатлари, blockchain-based audit trail ва human oversight принципи бўйича илмий-амалий таклифлар илгари сурилади.