Mazkur ishda inklyuziv ta’lim yo‘lga qo‘yilgan maktablar faoliyati tahlil qilinadi. Tadqiqotda inklyuziv ta’limning mazmuni, maqsadi va ahamiyati ochib berilib, imkoniyati cheklangan hamda maxsus ta’lim ehtiyojiga ega bo‘lgan o‘quvchilarning umumta’lim maktablarida ta’lim olish jarayonidagi sharoitlar o‘rganiladi. Maktablarda yaratilgan moddiy-texnik baza, moslashtirilgan o‘quv muhitlari, pedagoglarning inklyuziv kompetensiyasi, individual yondashuv va qo‘llab-quvvatlash mexanizmlari tahlil qilinadi. Shuningdek, ota-onalar bilan hamkorlik, ijtimoiy moslashuv va ta’lim sifati masalalariga alohida e’tibor qaratiladi. Tadqiqot natijalari inklyuziv ta’limni yanada samarali tashkil etish, mavjud muammolarni aniqlash va ularni bartaraf etish bo‘yicha amaliy tavsiyalar ishlab chiqishga xizmat qiladi.