Biotexnologiya va oziq-ovqat sanoatida har qanday yangi funksional mahsulotni ishlab chiqarish texnologiyasi dastlab uning xomashyo bazasini to‘g‘ri tanlash, tayyorlash hamda jarayon parametrlarini matematik va amaliy jihatdan optimallashtirishdan boshlanadi. Yaratilayotgan konsentrat probiotik mahsulotning sifati, ozuqaviy qiymati va kelgusida unga kiritiladigan mikroorganizmlarning (probiotiklarning) yashovchanligi bevosita asosiy matritsa — sut zardobi va paxsaning to‘g‘ri nisbatda aralashtirilishi hamda ularni konsentrlash (quyultirish) parametrlariga bog‘liq.