Mazkur maqolada Temuriylar davlati boshqaruv tizimida temuriy malikalarining tutgan o‘rni va roli tarixiy manbalar hamda zamonaviy ilmiy tadqiqotlar asosida tahlil qilingan. Tadqiqot davomida malikalar faoliyatining siyosiy, diplomatik, iqtisodiy va madaniy jihatlari yoritilgan. Saroymulkxonim, Xonzoda begim va Gavharshodbegim kabi tarixiy shaxslarning davlat boshqaruvi, sulolaviy siyosat, diplomatik aloqalar hamda ma’rifiy faoliyatdagi ishtiroki o‘rganilgan. Shuningdek, ularning davlat barqarorligini ta’minlash, sulolaviy manfaatlarni himoya qilish va ilm-fan hamda madaniyat rivojiga qo‘shgan hissalari baholangan. Tadqiqot natijalari temuriy malikalar davlat boshqaruvining muhim subyektlari bo‘lganligini hamda Temuriylar davlati taraqqiyotida sezilarli o‘rin egallaganligini ko‘rsatadi.