Mazkur maqolada sud-ballistika ekspertizalarini o‘tkazish jarayonida eksperimental tadqiqot usullarining ahamiyati, ularni qo‘llashning nazariy va amaliy jihatlari tahlil qilingan. Sud-ballistik ekspertizalarda ekspert eksperimenti qurol, o‘q-dori va o‘q otish izlarini aniqlash hamda ularning o‘zaro bog‘liqligini belgilashda muhim ahamiyat kasb etadi. Shuningdek, eksperimental tadqiqotlar yordamida ish bo‘yicha ahamiyatga ega bo‘lgan holatlarni tiklash va baholash imkoniyatlari yoritilgan. Ilmiy-texnika taraqqiyotining zamonaviy bosqichida barcha turdagi ekspertizalarda dialektik, umum ilmiy va maxsus tadqiqot metodlaridan foydalanmasdan ko‘rilayotan ish bo‘yicha odil sudlov ehtiyojlari uchun kerakli vazifalarni bajarishga qaratilgan tadqiqotlarni o‘tkazish, ekspert eksperimentining asosiy va maxsus maqsadlariga erishib bo‘lmaydi deb xulosa qilingan hamda ekspert eksperimentini sud ekspertizasining majburiy bosqichi hisoblash kerakligi tavsiya qilingan.