Ushbu maqolada O'zbekiston ilm-fan tarixida muhim o'rin tutgan Toshmuhammad Qori Niyoziy (1897–1970)ning akademik va tashkilotchilik faoliyati tahlil etiladi. Tadqiqot mavjud ilmiy adabiyotlar, arxiv materiallar va tarixiy hujjatlar asosida olib borilgan bo'lib, T.Q. Niyoziyning O'rta Osiyo davlat universitetini tashkil etishdagi roli, matematik va pedagog sifatidagi merosi hamda sovet davri ilm-fanining shakllanishiga qo'shgan hissasi yoritiladi. Maqolada shaxsiy tahlil va adabiyotlar tahlili metodlari qo'llanilgan. Natijalar shuni ko'rsatadiki, T.Q. Niyoziy O'zbekistonda zamonaviy akademik tizimning asoschisi sifatida beqiyos o'rin egallaydi.