Endometrit bachadon ichki qavati bo’lgan endometriyning yallig‘lanishi bilan kechadigan murakkab ginekologik kasallik bo‘lib, u ko‘pincha bakterial infeksiyalar, tug‘ruqdan keyingi asoratlar, abortdan so‘nggi holatlar hamda intrauterin muolajalar natijasida rivojlanadi. Kasallik patogenezida mikroorganizmlarning to‘qimaga kirib borishi bilan birga, immun tizimning faollashuvi, yallig‘lanish mediatorlari (sitokinlar, interleykinlar, TNF-α), prostaglandinlar sintezi va oksidlovchi stress jarayonlari muhim rol o‘ynaydi. Ushbu biokimyoviy o‘zgarishlar endometriy hujayralarining shikastlanishiga, qon tomir o‘tkazuvchanligining oshishiga va to‘qimalarda destruktiv jarayonlarning rivojlanishiga olib keladi. Endometrit klinik jihatdan qorin pastida og‘riq, isitma, patologik ajralmalar va hayz siklining buzilishi bilan namoyon bo‘lib, og‘ir holatlarda bepushtlik va surunkali yallig‘lanish jarayonlariga sabab bo‘lishi mumkin. Ushbu maqolada endometritning ginekologik ahamiyati, biokimyoviy mexanizmlari va immunologik asoslari ilmiy adabiyotlar asosida tahlil qilingan.