Ushbu maqolada O‘zbekiston xalq shoiri Halima Xudoyberdiyeva olovli she’riyatining go‘zal namunalari bo‘lmish “ Yerda qolgan so‘zlarim”, “Ko‘p chiqdim men Vatanimning to‘riga”, “Yarim kecha”, “Har kun xabar”, “O‘taman”, “Karomat”, “Erkday ko‘tarilaman”, “Iltijo”, “O‘zimga ber” kabi she’rlari tahlilga tortilgan. Shoira she’rlarining o‘ziga xos badiiy ifodasi, so‘z ustida ishlash mahoratiga ham e’tibor qaratilgan. Eng ulug‘ zot – ona obrazi shoira ijodida doimo yoritilgan va hamisha e’tibordagi timsollardan biri hisoblangan. Shoira she’rlarida Vatanni cheksiz mehr bilan ardoqlay olgan, farzandlari uchun kerak bo‘lsa, jonidan ham kecha olgan mard va jasur Turon onalarining obrazi tadqiq etilgan. Shu jihatdan ushbu maqola muhim ahamiyat kasb etgan.