Bugungi global iqtisodiy o‘zgarishlar sharoitida milliy iqtisodiyot tarmoqlarini barqaror rivojlantirish, investitsiya muhitini yaxshilash, ishlab chiqarish hajmlarini kengaytirish hamda aholi bandligini ta’minlashda fiskal instrumentlardan samarali foydalanish muhim ilmiy-amaliy ahamiyat kasb etmoqda. Davlatning soliq-byudjet siyosati iqtisodiyot tarmoqlarini qo‘llab-quvvatlash, tadbirkorlik subyektlari faoliyatini rag‘batlantirish va makroiqtisodiy barqarorlikni ta’minlashning asosiy omillaridan biri hisoblanadi. Shu sababli fiskal instrumentlarning iqtisodiy mohiyatini, ularning tarmoqlar rivojlanishidagi vazifalarini va milliy iqtisodiyotga ta’sir mexanizmlarini nazariy jihatdan asoslash dolzarb hisoblanadi.