Mazkur tezisda raqamlashtirish jarayonlarining oliy ta’lim tizimiga keng joriy etilishi sharoitida mexanika bo‘limini o‘qitishning dasturiy ta’minotini takomillashtirish masalalari tahlil qilingan. Tadqiqotda mexanika fanini o‘qitishda mavjud metodik va texnologik muammolar aniqlanib, ularni bartaraf etishga qaratilgan zamonaviy raqamli vositalarning didaktik imkoniyatlari yoritilgan. Shuningdek, virtual laboratoriyalar, kompyuter simulyatsiyalari, interaktiv modellar hamda sun’iy intellekt elementlari asosida yaratilgan dasturiy ta’minotlarning ta’lim samaradorligini oshirishdagi o‘rni asoslab berilgan. Tadqiqot natijalariga ko‘ra, mexanika bo‘limi uchun ishlab chiqilgan adaptiv raqamli dasturiy ta’minot talabalarning nazariy bilimlarni o‘zlashtirish, fizik jarayonlarni modellashtirish va eksperimental faoliyatni tashkil etish ko‘rsatkichlarini sezilarli darajada yaxshilashi aniqlangan. Mazkur yondashuv mexanika ta’limining ilmiy-metodik asoslarini modernizatsiya qilish hamda ta’lim jarayonining sifat va samaradorligini oshirishga xizmat qiladi.