Mazkur maqolada Janubiy Koreya prezidenti tomonidan milliy va an'anaviy bayramlarda yo'llanadigan tabrik nutqlarining lingvopragmatik xususiyatlari tadqiq etiladi. Xususan, Moon Jae Inning 2018-yildagi Sollal bayrami munosabati bilan yo'llagan tabrik nutqi misolida siyosiy diskursning pragmatik ta'sir mexanizmlari, emotsional-ekspressiv birliklar, baholovchi leksika hamda xitoy-koreys qatlamiga mansub birliklarning qo'llanishi tahlil qilinadi. Shuningdek, prezident nutqlarida milliy birlik, oilaviy qadriyatlar va ijtimoiy hamjihatlik g'oyalarining til vositalari orqali ifodalanishi yoritib beriladi. Tadqiqot natijalari prezident tabrik nutqlari siyosiy kommunikatsiyaning muhim ko'rinishi bo'lib, ularda auditoriyaga emotsional va pragmatik ta'sir ko'rsatish strategiyalari faol qo'llanilishini ko'rsatadi.