Mazkur maqolada raqamli ta'lim muhitida bo'lajak muhandislarning kasbiy kompetensiyasini rivojlantirishning pedagogik-metodik muammolari tahlil qilinadi. Unda nazariy bilim va amaliy kasbiy faoliyat o'rtasidagi uzviylik, mutaxassislik fanlari mazmunini kasbiy vazifalar bilan bog'lash, raqamli vositalardan maqsadli foydalanish, o'quv topshiriqlari, fanlararo integratsiya, mustaqil ta'lim va baholash mezonlarini takomillashtirish masalalari yoritiladi. Shuningdek, raqamli ta'lim vositalarining kasbiy kompetensiyani shakllantirishdagi o'rni pedagogik yondashuvlar asosida asoslab beriladi.