Bul maqalada qaraqalpaq tilindegi texnikalıq terminlerdiń strukturalıq analiz máseleleri kórip shıģıladı. Maqalada texnikalıq terminlerdiń jasalıw usılları, olardıń morfologiyalıq, semantikalıq hám sintaktikalıq qásiyetleri ilimiy tiykarda analizlenedi. Sonıń menen birge, leksika-semantikalıq, sintetikalıq hám analitikalıq usıllar arqalı jasalǵan terminlerdiń ózgeshelikleri kórsetiledi. Bir komponentli hám kóp komponentli terminlerdiń strukturalıq modeli, abbreviaturalıq hám gibridli terminlerdiń qáliplesiw procesleri izertlenedi. Maqalada zamanagóy texnologiyalar rawajlanıwı nátiyjesinde payda bolıp atırǵan neologizmler hám internacional terminlerdiń qaraqalpaq tiline beyimlesiw máselelerine de ayrıqsha itibar qaratıladı. Izertlew nátiyjeleri qaraqalpaq texnikalıq terminologiyasınıń sistemalı rawajlanıp atırǵanın hám termin jasaw múmkinshilikleriniń joqarı ekenligin kórsetedi.