Maqolada bokschilarning mashg‘ulot jarayonini tezkor boshqarish, yuklamalarni individual moslashtirish, yurak urish tezligi va subyektiv baholash (RPE) ko‘rsatkichlari asosida optimallashtirish masalalari yoritildi. Shuningdek, texnik-taktik tayyorgarlikni takomillashtirish va jangovar amaliyot samaradorligini oshirishda operativ rejalashtirishning o‘rni asoslab berildi. Tadqiqot natijalari shuni ko‘rsatdiki, tezkor rejalashtirishni qo‘llash sportchilarning jismoniy sifatlari, texnik aniqligi va umumiy sport natijalarini sezilarli darajada yaxshilaydi. Ushbu yondashuv ortiqcha yuklamaning oldini olish, tiklanish jarayonlarini tezlashtirish va musobaqa faoliyatida yuqori samaradorlikka erishishga xizmat qiladi.