Mazkur maqolada virtual va real ijtimoiy borliq o‘rtasidagi o‘zaro bog‘liqlik hamda ularning dialektik munosabatlari falsafiy nuqtai nazardan tahlil qilinadi. Zamonaviy axborot texnologiyalari rivojlanishi natijasida inson faoliyati yangi ijtimoiy makon – virtual muhitda ham amalga oshirilmoqda. Tadqiqotda virtual makonning real ijtimoiy jarayonlarga ta’siri, ularning o‘zaro qarama-qarshiligi va bir-birini to‘ldiruvchi jihatlari ochib beriladi. Dialektik yondashuv asosida virtual va real borliqning o‘zaro aloqadorligi, ularning rivojlanish qonuniyatlari hamda jamiyat taraqqiyotiga ta’siri tahlil qilinadi. Tadqiqot natijalari virtual makonning zamonaviy jamiyatdagi ijtimoiy, madaniy va kommunikativ jarayonlarni shakllantirishdagi muhim rolini ko‘rsatadi.