Mazkur maqolada maktabgacha yoshdagi bolalarda tafakkurni rivojlantirishda ertaklarning pedagogik va psixologik ahamiyati tahlil qilinadi. Ertaklarning bolalar nutqi, tasavvuri, mantiqiy fikrlashi, ijodiy tafakkuri va axloqiy qarashlarini shakllantirishdagi o‘rni ilmiy manbalar asosida yoritilgan. Shuningdek, maktabgacha ta’lim jarayonida xalq og‘zaki ijodi namunalaridan foydalanishning samarali metodlari ko‘rib chiqilgan. Tadqiqot davomida pedagogik kuzatish, qiyosiy tahlil va ilmiy adabiyotlarni o‘rganish metodlaridan foydalanilgan. Natijalar ertaklarning bolalarda mustaqil fikrlash, voqealarni tahlil qilish va obrazli tafakkurni rivojlantirishga ijobiy ta’sir ko‘rsatishini tasdiqlaydi.