Oilaviy zo‘ravonlik bugungi kunda dunyo miqyosida eng dolzarb ijtimoiy muammolardan biri hisoblanadi. Bu hodisa nafaqat bir oilaning ichki muammosi, balki jamiyat taraqqiyoti, inson huquqlari va ijtimoiy barqarorlikka jiddiy salbiy ta’sir ko‘rsatadigan omildir. Oilaviy zo‘ravonlik jismoniy, ruhiy, iqtisodiy yoki jinsiy shakllarda namoyon bo‘lishi mumkin va uning oqibatlari uzoq muddat davomida seziladi.