Mazkur maqolada zamonaviy ekologiyaning eng dolzarb masalalaridan biri biosfera salomatligi va insoniyat mavjudligi o‘rtasidagi uzviy bog‘liqlik tahlil qilingan. Dastlab, tabiat tomonidan insoniyatga taqdim etilayotgan beminnat ekotizim xizmatlarining hayotiy ahamiyati ilmiy asoslab berilgan. Shu bilan birga, maqolada so‘nggi yuz yillikda kuzatilayotgan keskin antropogen bosim va uning biologik xilma-xillikka yetkazayotgan salbiy oqibatlari statistik ma’lumotlar yordamida yoritilgan.Muallif tomonidan ta’kidlanishicha, biosferaning o‘z-o‘zini tiklash qobiliyati cheksiz emas va hozirgi ekologik inqiroz insoniyatdan yangicha, barqaror yondashuvni talab etadi. Xususan, maqolada biologik rang-baranglikni saqlab qolish nafaqat tabiatni muhofaza qilish, balki insoniyatning genetik va iqtisodiy xavfsizligini ta’minlashning yagona yo‘li ekanligi isbotlangan. Xulosa o‘rnida, biosfera barqarorligini tiklash bo‘yicha amaliy tavsiyalar va kelajak avlod oldidagi ekologik mas’uliyat masalalari ilgari surilgan.