Ushbu maqolada O‘tkir Hoshimovning “Ikki eshik orasi” romanida tasvirlangan inson taqdiri, uning baxtga intilishi va hayotdagi sinovlar tufayli bu baxtga yetisha olmasligi muammosi tahlil qilinadi. Asarda urush yillari va undan keyingi davrda yashagan insonlarning ruhiy kechinmalari, orzu-umidlari hamda ularning chilparchin bo‘lish sabablari ochib beriladi. Tadqiqot jarayonida roman qahramonlarining hayotiy fojealari orqali “baxt” va “baxtsizlik” tushunchalarining falsafiy mohiyati yoritiladi. Muallif insonning baxtga erishish yo‘lidagi kurashi ko‘pincha jamiyat sharoiti, urush va ijtimoiy muammolar sabab barbod bo‘lishini badiiy vositalar orqali ifodalaganligi ilmiy asosda tahlil qilinadi. Maqolada roman voqealari misolida baxtsizlikning sabablari va inson taqdiriga ta’siri xulosalanadi.