Mazkur maqolada O‘zbekistonda qayta tiklanuvchi energiya investitsiyalarining iqtisodiy samaradorligi ekonometrik tahlil asosida baholanadi. Tadqiqotda qayta tiklanuvchi energiya investitsiyalarining YaIM o‘sishi va ekologik ko‘rsatkichlarga ta’siri tahlil qilinadi. Modelda investitsiyalar, iqtisodiy o‘sish va CO₂ emissiyasi o‘rtasidagi bog‘liqlik aniqlanadi. Olingan natijalar qayta tiklanuvchi energiyaga yo‘naltirilgan investitsiyalar iqtisodiy o‘sishni rag‘batlantirishi va ekologik yuklamani kamaytirishda muhim omil ekanligini ko‘rsatadi. Tadqiqot natijalari O‘zbekistonda yashil energetika siyosatini rivojlantirish bo‘yicha ilmiy asoslangan tavsiyalar ishlab chiqishga xizmat qiladi.