Mazkur tezisda Just in Time (JIT) tizimining nazariy va amaliy jihatlari, uning ishlab chiqarish va xizmat ko‘rsatish sohalarida xarajatlarni boshqarish hamda mahsulot tannarxini kalkulyatsiya qilishdagi ahamiyati batafsil tahlil qilingan. JIT tizimi zamonaviy boshqaruv konsepsiyasi sifatida resurslardan oqilona foydalanish, ishlab chiqarish jarayonlaridagi yo‘qotishlarni minimallashtirish, ortiqcha zaxiralarni qisqartirish va mahsulot sifatini oshirishga xizmat qiladi. Maqolada Google Scholar ilmiy bazasida e’lon qilingan xorijiy tadqiqotlar hamda o‘zbek iqtisodchi olimlarining darslik, monografiya va ilmiy maqolalari asosida JIT tizimining xarajatlarni kamaytirish, kalkulyatsiya aniqligini oshirish va korxonalarning raqobatbardoshligini ta’minlashdagi roli yoritilgan. Tadqiqot natijalari O‘zbekiston korxonalari uchun JIT tizimini joriy etishning ilmiy-uslubiy asoslarini mustahkamlashga xizmat qiladi.