Maqolada Cladosporium zamburug‘ining morflogiyasi, tarqalishi va allergenlik xususiyati, shuningdek, Qarshi vohasi sharoitida mavsumiy rivojlanishini o‘rganish natijalari keltirilgan. Cladosporium zamburug‘i ekologik jihatdan juda plastik va keng tarqalgan anamorfik organizm bo‘lib, asosan aseksual reproduksiya qilib kondiyalar orqali tarqalib, hayot siklini davom ettiradi. Koloniyalari sun’iy muhitlarda zaytunqo‘ng‘ir, baxmalsimon yoki paxtasimon ko‘rinishda o‘sadi, gifalari shoxlangan va qavatli strukturaga ega. Qarshi vohasi sharoitida Cladosporium turlari mezofillikni namoyon etib, harorat va namlikka bog‘liq ravishda yil davomida faollik ko‘rsatadi. Bahor va kuz oylarida ayniqsa faol rivojlanadi. Inson uchun asosiy xavf – aerozol sporalari orqali tarqalganligi sababli u aerobiologik kuzatish va allergenlarni aniqlash uchun muhim tadqiqot obekti bo‘lib hisoblanadi.