Maqolada bo‘lajak o‘qituvchilarning metodik kompetentligini rivojlantirishga qaratilgan KIFRT – Kasbiy identifikatsiya va faol rivojlanish tizimi modeli tahlil qilingan. Bo‘lajak pedagoglarning kasbiy shakllanishini tizimli ravishda tashkil etish, ularning metodik tayyorgarligini rivojlantirish hamda kasbiy identifikatsiyasini mustahkamlash mexanizmi keltirilgan. Tizim diagnostika, rivojlantirish, kasbiy identifikatsiya hamda baholash va barqarorlashtirish bosqichlaridan iborat bo‘lib, bo‘lajak pedagoglarning professional o‘sishini uzluksiz qo‘llab-quvvatlashni nazarda tutadi. KIFRT tizimi bo‘lajak pedagoglarning metodik kompetentligini rivojlantirish, ularning kasbiy motivatsiyasini oshirish va ta’lim jarayonining samaradorligini ta’minlashda muhim ahamiyatga ega ekanligi ko‘rsatilgan.