Mazkur tadqiqotda nikoh motivlari va oila mustahkamligi o‘rtasidagi o‘zaro bog‘liqlikning nazariy jihatlari tahlil qilinadi. Nikohga kirishish motivlari — ijtimoiy, psixologik, iqtisodiy va madaniy omillar asosida shakllanishi ko‘rib chiqiladi hamda ularning oilaviy barqarorlikka ta’siri ilmiy manbalar asosida yoritiladi. Shuningdek, oila mustahkamligini ta’minlovchi omillar va nikoh motivlarining turli nazariy modellari (psixologik, sotsiologik va ijtimoiy-madaniy yondashuvlar) tahlil qilinadi. Tadqiqot natijasida nikoh motivlari va oilaning barqarorligi o‘rtasidagi o‘zaro bog‘liqlikni tushuntiruvchi nazariy qarashlar umumlashtiriladi hamda sog‘lom va mustahkam oilani shakllantirishga xizmat qiluvchi muhim omillar aniqlanadi.