Ushbu ilmiy ishning mavzusi — “Ta’lim jarayonida innovatsion pedagogik texnologiyalarni qo‘llash orqali o‘qitish samaradorligini oshirish”. Tadqiqotning asosiy maqsadi ta’lim jarayonida zamonaviy pedagogik texnologiyalarni qo‘llashning nazariy va amaliy jihatlarini o‘rganish, o‘quvchilarning bilim olish faoliyati, mustaqil fikrlash va o‘quv motivatsiyasiga ta’sirini aniqlashdan iborat. Tadqiqotda pedagogik kuzatuv, taqqoslash, anketa so‘rovi, suhbat va tajriba-sinov metodlari qo‘llanildi. Natijalar shuni ko‘rsatdiki, interfaol metodlar va axborot-kommunikatsiya texnologiyalarini qo‘llash o‘quvchilarning faolligini oshiradi, bilimlarni chuqurroq o‘zlashtirishga yordam beradi va o‘qitish samaradorligini sezilarli darajada yaxshilaydi.