Mazkur maqolada maktab maslahatchilarining ta’lim jarayonidagi roli va umumiy o‘rta ta’limdan kasbiy ta’lim bosqichiga o‘tishda uzluksizlikni ta’minlovchi strategik koordinator sifatidagi o‘rni asoslab berilgan. Shuningdek, kasbiy yo‘naltirish tizimini mehnat bozori ehtiyojlari bilan uyg‘unlashtirish, dual ta’lim modelini qo‘llab-quvvatlash hamda o‘quvchilarning individual rivojlanish trayektoriyasini shakllantirishdagi amaliy mexanizmlari bugungi kundagi islohatlar hamda Finlandiya va Germaniya ta’lim tizimlari misolida shaxsga yo‘naltirilgan maslahat va kasbiy yo‘naltirish xizmatlarining samaradorligi tahlili orqali ochib berilgan.