Quruq ko‘z sindromi (QKS) — ko‘zning yuzaki namligini ta’minlaydigan plyonka barqarorligining buzilishi natijasida yuzaga keladigan ko‘p faktorli kasallik. Epidemiologik tadqiqotlar shuni ko‘rsatadiki, dunyo bo‘yicha kattalar va yoshlar orasida QKS tarqalishi ortib bormoqda [1,2]. Kasallik, ayniqsa, 50 yoshdan oshgan shaxslar orasida keng tarqalgan bo‘lib, ko‘rish sifati va hayot sifatiga sezilarli ta’sir ko‘rsatadi [3].