ЭКОЛОГИЯЛЫҚАНЫҚТАМАЛЫҚ Салалық ақпаратты анықтамалық форматында жинақтауға тырыстым: Қазақстанда қандай экологиялық есептер мен жобалар бар, олардың айырмашылығы неде. Алғашқы тарауларда Су кодексі мен Экологиялық кодекстегі өзгерістерге салыстырмалы талдау жасалды. Осы анықтамалықты, жобаны әзірлеу әдістемесін немесе нұсқаулықтарды және экопорталда ұсынылған үлгілерді пайдалану арқылы бастаушы эколог өз жұмысының сапасын тезірек арттыра алады. Бұл әзірленетін құжаттардың құрылымы мен мазмұны бойынша бірыңғай түсінік қалыптастыруға мүмкіндік береді. Кітапта мына мәселелер қарастырылады: – Қазақстанның экологиялық заңнамасы– Экологиялық кодекс және Су кодексі– қоршаған ортаға әсерді бағалау (ҚОӘБ), стратегиялық экологиялық бағалау (СЭБ), жол берілетін шығарындылар нормативтері (ЖШШ), жол берілетін төгінділер нормативтері (ЖШТ)– экологиялық бақылау және мониторинг– табиғат қорғау жобалауы– экологиялық зерттеулердің әдіснамасы.

Осы экологиялық анықтамалық Қазақстан Республикасындағы экологиялық реттеудің заманауи жүйесіне арналған кешенді ақпараттық-талдамалық құрал болып табылады. Басылымда табиғат қорғау қызметінің құқықтық, әдіснамалық және қолданбалы аспектілері жүйелендірілген, оның ішінде экологиялық заңнаманы, экологиялық нормалау тетіктерін, лицензиялау жүйесін және мемлекеттік экологиялық бақылауды талдау қамтылған. Ең озық қолжетімді технологияларды енгізуге, қоршаған ортаға әсерді бағалау рәсімдеріне, экологиялық жобалауға, қалдықтарды басқаруға және парниктік газдар шығарындыларын реттеуге ерекше назар аударылған. Анықтамалық экологиялық жобалау, табиғат пайдалану саласындағы мамандарға, мемлекеттік органдар қызметкерлеріне, ғылыми қызметкерлерге, оқытушыларға және экологиялық мамандықтар бойынша білім алатын студенттерге арналған.