Mazkur tadqiqotda auditorlik faoliyatining shakllanishi, rivojlanish bosqichlari hamda uning taraqqiyotiga ta’sir etuvchi asosiy omillar tizimli ravishda tahlil qilingan. Tadqiqot doirasida Buyuk Britaniya, AQSh, Italiya, Germaniya, Fransiya, Yaponiya, Malayziya va Rossiya kabi davlatlarning auditorlik tizimlari tarixiy, huquqiy va institutsional jihatdan solishtirma tahlil etilgan. Auditorlik faoliyatining rivojlanishida huquqiy-me’yoriy baza, professional institutlar, texnologik innovatsiyalar, auditorlarning mustaqilligi va kasbiy etikasi muhim omillar sifatida asoslab berilgan. Shuningdek, auditorlik tizimlarining xalqaro standartlarga (ISA) integratsiya darajasi va ularning milliy iqtisodiyotga ta’siri baholangan. Tadqiqot natijalari O‘zbekiston auditorlik tizimini takomillashtirishda xorijiy tajribadan samarali foydalanish bo‘yicha ilmiy-amaliy xulosalar chiqarish imkonini beradi