Ushbu maqolada ochiq dala sharoitida yetishtirilayotgan bodring (Cucumis sativus L.) o‘simligining asosiy zambrug‘li kasalliklariga qarshi biologik himoya vositalarini qo‘llashning agrobiologik va agroiqtisodiy samaradorligi kompleks baholandi. Tadqiqot davomida Bacillus subtilis, Trichoderma harzianum va Pseudomonas fluorescens asosidagi biofungitsidlar sinovdan o‘tkazilib, ularning kasallik tarqalishi va rivojlanish intensivligini cheklash darajasi, hosildorlikka ta’siri hamda iqtisodiy ko‘rsatkichlari (sof foyda va rentabellik) tahlil qilindi. Natijalar biofungitsidlar qo‘llanilgan variantlarda kasallik darajasi sezilarli kamayganini, o‘simliklarning fiziologik holati yaxshilanganini va tovarbop hosil miqdori oshganini ko‘rsatdi. Agroiqtisodiy hisob-kitoblar esa biologik preparatlar nafaqat ekologik xavfsiz, balki iqtisodiy jihatdan ham samarali himoya vositasi ekanini tasdiqladi hamda bodring yetishtirishda kimyoviy fungitsidlarga muqobil sifatida ularni keng joriy etish zarurligini ilmiy asoslab berdi.