So‘nggi yillarda mintaqalarning barqaror iqtisodiy rivojlanishida investitsiya oqimlari hamda tashqi iqtisodiyaloqalar muhim strategik omillar sifatida namoyon bo‘lmoqda. Investitsiyalar ishlab chiqarish quvvatlarini kengaytirish,infratuzilmani modernizatsiya qilish, yangi texnologiyalarni joriy etish hamda hududning iqtisodiy salohiyatini oshirishningasosiy moliyaviy manbai hisoblanadi. Shu bilan birga, tashqi iqtisodiy aloqalar eksport-import operatsiyalari orqalimintaqaning jahon xo‘jalik tizimiga integratsiyalashuv darajasini ifodalaydi hamda uning raqobatbardoshligini belgilovchimuhim ko‘rsatkichlardan biri hisoblanadi. Mazkur tadqiqotda mintaqaning investitsiya oqimlari va tashqi iqtisodiy aloqalario‘rtasidagi o‘zaro bog‘liqlik ekonometrik modellashtirish usullari asosida kompleks tahlil qilindi. Tadqiqot jarayonidakorrelyatsion tahlil, ko‘p omilli regressiya modeli hamda vaqt qatorlari asosida prognozlash usullari qo‘llanildi. Ekonometrikmodelga yalpi hududiy mahsulot, eksport va import hajmi, inflyatsiya darajasi, valyuta kursi hamda investitsiyako‘rsatkichlari kabi muhim makroiqtisodiy omillar kiritildi. Tadqiqot natijalari mintaqaviy iqtisodiy siyosatni shakllantirish,investitsiya muhitini takomillashtirish va tashqi iqtisodiy faoliyatni samarali boshqarish bo‘yicha ilmiy asoslangan amaliytavsiyalar ishlab chiqish imkonini beradi.