Mazkur ilmiy ishda 2020–2024 yillarda O‘zbekistonda yuritilgan pul-kredit siyosatining inflyatsiya va iqtisodiy o‘sish ko‘rsatkichlariga ta’siri kompleks baholandi. Tadqiqotda monetar instrumentlarning dinamik o‘zgarishi hamda ularning makroiqtisodiy natijalarga uzatish mexanizmi tahlil qilindi. Natijalar shuni ko‘rsatadiki, qat’iy monetar siyosat qisqa muddatli iqtisodiy faollikka cheklovchi ta’sir ko‘rsatsa-da, narxlar barqarorligini ta’minlash orqali uzoq muddatli barqaror rivojlanish uchun asos yaratadi.