Ushbu maqolada akademik eshkak eshuvchilarning musobaqadan keyingi tiklanish davrining xususiyatlari va samaradorligi o‘rganildi. Tadqiqotda yuqori malakali sportchilarda musobaqa yuklamalaridan so‘ng yuzaga keladigan funksional o‘zgarishlar tahlil qilindi. Kompleks tiklanish vositalari — faol tiklanish, cho‘zilish mashqlari, sport massaji va suv muolajalarining ta’siri baholandi. Tadqiqot natijalari tiklanish jarayonini ilmiy asosda tashkil etish sportchilarning ish qobiliyatini tezroq tiklashga va keyingi mashg‘ulotlarga tayyorgarligini oshirishga xizmat qilishini ko‘rsatdi.